तुलसीपुर, १९ मंसिर । दाङ डान्स च्याम्पेनसिपमा तृतिय हुने दंगीशरण–६ को भानु माद्यामिक विद्यालयकी एक छात्रालाई वडाले सम्मान गरेको छ । के.आई.ए. मिडिया हाउस प्रा.लि. को आयोजनामा गत भदौ १ गतेदेखी यही मंसिर १५ गतेसम्म भएको दाङ डान्स च्याम्पेनसिपमा सहभागी भएर तृतिय स्थान हासिल गर्न सफल भएकोमा भानु मावि कक्षा ९ मा अध्यनरत झरना परियारलाई दंगीशरणको ६ नम्बर वडा र विद्यालयको तर्फबाट सम्मान गरिएको विद्यालय व्यवस्थापन समितिका अध्यक्षसमेत रहेका वडाअध्यक्ष रोशनजङ शाहले जानकारी दिनुभयो ।
दंगीशरण–६ को प्रशड्डुवामा अवस्थित भानु माविमा पढ्दै आएकी झरना परियारले गरेको कृयाकलापको उच्च मुल्याङ्कन गर्दै वडाले उनलाई सम्मानपत्रसहित सम्मान गरेको उहाँले बताउनुभयो । वडाअध्यक्ष शाहका अनुसार आफ्नो वडाका बालबालिकालाई विभिन्न कृयाकलापका सहभागी भई अग्र स्थान हासिल गर्न थप मनोबल बढाउने उदेश्यले आज विद्यालयमा एक कार्याक्रमको आयोजना गरी उनलाई सम्मान गरिएको हो ।।
