तुलसीपुर, १५ असोज । दाङको तुलसीपुरमा रहेको रिद्धी सिद्धि गोल्ड एण्ड सिल्भर प्यालेस प्रालिले सुन खरिद गर्दा दशैँतिहार अफर दिने भएको छ । प्रालिले एक तोला सुन किन्दा ५ हजार रुपैयाँ छुट दिने अफर बाहिर ल्याएको हो ।
‘नेपाली हिन्दुहरूको चाडपर्व भित्री सकेको छ ।दशैँ तिहारमा नागरिकलाई बढी आर्थिक भार पर्छ । तीजदेखि सुरु भएको खर्च, तिहार नसकिँदासम्म निरन्तर चलिरहन्छ । चाडपर्वमा विशेष गरेर चुरा, पोते, गरगहना, लत्ताकपडा, रोटीपोलीका लागि तेल, चीनी, मैदा, दक्षिणा जस्ता मसिनो कुरामा धेरै खर्च हुन्छ । यस्तो अवस्थामा केही भए पनि सहयोग पुगोस् भन्ने उद्देश्यले छुटको व्यवस्था गरिएको हो ।’ प्रालिका सञ्चालक मीनराज वलीले भन्नुभयो ।
प्रालिले तुलसीपुरको दुई स्थान र नारायणपुरबाट समेत गरेर तीन स्थानबाट सेवा दिँदै आइरहेको संचालक वलीले बताउनुभयो । प्रालिले पहिलाे पटक यस्तो अफर ल्याएकाे हो ।
