दाङ, २७ भदौ । गोरखा ग्रुपले संचालन गरेका विद्यालयबिच भलिबल प्रतियोगिता संचालन भएको छ । गोरखा सेकेन्डरी स्कुल तुलसीपुरमा शनिबार संचालित प्रतियोगिताको उद्घाटन लुम्बिनी प्रदेश खेलकुद परिषदका कोषाध्यक्ष मुक्तिप्रसाद न्यौपानेले गर्नुभएको हो ।
प्रमुख अतिथि न्यौपानेले शिक्षासंगै खेलाडी उत्पादनमा गोर्खा ग्रुपले महत्त्वपूर्ण भूमिका खेलेको बताउनुभयो । गोरखा ग्रुप दाङका उपाध्यक्ष बालकृष्ण रोका मगरको अध्यक्षतामा भएको उद्घाटन कार्यक्रममा प्रमुख अतिथि न्यौपानेले खेलकुदले शारिरीकरुपमा स्वस्थसंगै सामुहिक एकतामा बाँध्ने बताउनुभयो ।
प्रतियोगितामा गोरखा ग्रुपले संचालन गरेको घोराही, लमही, देउखुरी र तुलसीपुरका चार वटा विद्यालयका छात्र र छात्रा गरेर ८ वटा टिमको सहभागी रहेको छ । गोरखा सेकेण्डरी स्कुल तुलसीपुरका प्रधानाध्यापक बिजयमान जिएमले विद्यालयले शिक्षासंगै खेलकुदका क्रियाकलापमा पनि जोड दिएको बताउनुभयो । उहाँले आगामी दिनमा फुटबल लगायतका प्रतियोगिता संचालन हुने बताउनुभयो ।
उद्घाटन कार्यक्रममा दाङ जिल्ला खेलकुद विकास समितिका कार्यालय प्रमुख राकेश परियारले खेल क्षेत्रको विकासमा गोरखा ग्रुपको महत्त्वपूर्ण भुमिका रहेको बताउनुभयो । दाङ जिल्ला भलिबल संघका महासचिव लक्ष्मण बस्नेतले खेलाडी उत्पादनमा गोरखा ग्रुपले अतुलनीय भूमिका खेलेको बताउनुभयो । कार्यक्रमको सहजीकरण शिक्षक सुदान्सु गुप्ताले गर्नुभएको हो ।
टिप्पणी तथा प्रतिक्रिया
यस समाचारबारे आफ्नो विचार तथा प्रतिक्रिया राख्नुहोस्।