तुलसीपुर चेम्बरद्धारा ५१ हजार आर्थिक सहयोग

तुलसीपुर, १६ भदौ । तुलसीपुर चेम्बर अफ कमर्सले बाढी पिडितको सहयोगका लागि ५१ हजार ५१ रुपैयाँ आर्थिक सहयोग गरेको छ । सामाजिक उत्तरदायित्वअन्तर्गत चेम्बरले बाढी प्रभावित नागरिकका लागि प्रधानमन्त्री दैवी प्रकोप उद्धार कोषमाआर्थिक सहयोग गरेको तुलसीपुर चेम्बर अफ कमर्सका अध्यक्ष ऋषिराज भण्डारीले जानकारी दिनुभयो ।

रसुवालगायत क्षेत्रमा आएको बाढीका कारण ठूलो जनधनको क्षति भएको भन्दै उद्धार, राहत र शव व्यवस्थापनमा तदारुक्ता देखाउन सरकारलाई चेम्बरले आग्रह समेत गरेको छ ।