तुलसीपुरमा चट्याङ लागेर एकजना घाइते

तुलसीपुर, १५ असार ।  दाङको तुलसीपुरमा चट्याङ लागेर १ जना घाइते भएका छन् । घाइते हुनेमा तुलसीपुर–१९ छिल्लीकोटका ३६ वर्षीय दुर्गाबहादुर बिक रहेको इलाका प्रहरी कार्यालय तुलसीपुरका सूचना अधिकारी तथा प्रहरी निरीक्षक प्रकाश थापाले जानकारी दिनुभयो ।

उहाँका अनुसार आफ्नै २ तले कच्ची घरमा बसिरहेको अवस्थामा चट्याङ पर्दा उहाँको शरिरको बायातिरको भाग नचल्ने भएको छ । उनको अहिले राप्ती प्रादेशिक अस्पतालमा उपचार भइरहेको प्रहरीले जनाएको छ ।।