विषाक्त रक्सी खाँदा ३४ जनाको मृत्यु, सायौंजना घाइते

काठमाडौं, ६ असार ।  भारतको तमिलनाडुमा विषाक्त रक्सी खाएर ३४ जनाको मृत्यु भएको छ भने एक सयभन्दा धेरैलाई अस्पताल भर्ना गरिएको छ । उनीहरुमध्ये धेरैजसोको अवस्था गम्भीर रहेको त्यहाँका राज्यपालले जनाएका छन् । उनीहरुले विषाक्त मेथानोलले भरिएको घरेलु रक्सी खाएको बताइएको छ । घटनामा संलग्न रहेको अभियोगमा केहीलाई पक्राउ गरी प्रहरीले अनुसन्धान थालेको छ ।

गत वर्ष बिहारमा विषाक्त मदिरा खाँदा कम्तीमा २७ जनाको मृत्यु भएको थियो भने सन् २०२२ मा गुजरातमा ४२ जनाको मृत्यु भएको थियो । मदिरालाई कडा बनाउन प्रायः मेथानोल मिसाउने गरिएको र यसले अन्धोपन, कलेजोको क्षति र मृत्यु समेत हुनसक्ने डाक्टरले बताउँदै आएका छन् ।।