विश्वभर एक करोड ७२ लाखभन्दा धेरै व्यक्ति कोरोना सङ्क्रमणबाट निको

काठमाण्डौ  / विश्वभर एक करोड ७२ लाखभन्दा धेरै व्यक्ति कोरोना सङ्क्रमणबाट निको भएका छन् ।
वल्ड्रोमिटरका अनुसार अहिलेसम्म दुई करोड ४८ लाख ९० हजार जनामा सङ्क्रमण देखिएकोमा एक करोड ७२ लाख ७५ जना निको भएका छन् । विश्वभर आठ लाख ४० हजार पाँच सयको ज्यान गइसकेको छ ।

 

सबैभन्दा धेरै अमेरिकामा ६० लाख ९३ हजार जनामा सङ्क्रमण देखिएकोमा ३३ लाख ७० हजार जना निको भएका छन् भने एक लाख ८५ हजार नौ सय जनाको ज्यान गएको छ । ब्राजिलमा ३८ लाख १२ हजार जनामा सङ्क्रमण देखिएकोमा एक लाख १९ हजारको ज्यान गएको छ । छिमेकी देश भारतमा ३४ लाख ६१ हजार जना सङ्क्रमित भएका छन् । २६ लाख ४७ हजार निको भएका छन् । भारतमा ६२ हजार सात सय जनाको ज्यान गएको छ । पछिल्लो २४ घन्टामा मात्रै भारतमा ७६ हजार सङ्क्रमित थपिएका छन्,एक हजार १९ जनाको ज्यान गएको छ ।

 

प्रकाशित मिति : २०७७ भाद्र १३ गते शनिवार
प्रतिक्रिया