तुलसीपुर,१७ जेठ ।
नेकपा एमाले तुलसीपुर उप महानगरपालीका वडा नम्बर ११ को भेला सम्पन्न भएको छ । भेला वडा नम्बर ११ को सम्पर्क कार्यालय हस्नापुरमा भएको वडा कमिटिले जानकारी दिएको छ । सत्रुघन चौधरीको अध्यक्षता तथा एमाले दाङका अध्यक्ष टिकाराम खडकाको प्रमुख आतिथ्यमा भेला सम्पन्न भएको हो । सो अबसरमा राप्रपा परित्याग गरि हस्नापुर निवासि अमर बहादुर बस्नेत,धनिराम भण्डारी ,तिलक बहादुर भण्डारी,वसन्त बस्नेत लगायतका नेकपा एमालेमा प्रवेस गर्नुभएको थियो ।
उनिहरुलाई प्रमुख अतिथि खड्काले टिका लगाई पार्टिमा स्वागत गर्नुभएको थियो । कार्यक्रममा बोल्दै खड्काले एमालेको विचार बाट प्रभावित भएर प्रवेश गर्नेहरुको लहर बढेको बताउनुभयो । भेलामा एमाले नेता शोभाराम बस्नेत,मेयरका उम्मेद्वार घनश्याम पान्डे, उपमेयरका उम्मेद्वार माया आचार्य,वडा अध्यक्ष पदका उम्मेद्वार भागिराम चौधरी ,सदस्यहरु लोक जङ्ग शाह,गायत्रा डागी लगायतले बोल्नुभएको थियो । भेलाको सहजिकरण हरी प्रसाद वलीले गर्नु भएको थियो ।
यस्तै उरहरीमा भएको कार्यक्रममा पनि एमालेमा प्रबेश गरेको वडा कमिटिले जनाएको छ । सो अवसरमा माओवादी केन्द्र बाट कविराज आचार्य र ऋषिराज आचार्य प्रबेश गर्नुभएको छ । यस्तै नयाशक्ति नेपालका जिल्ला सदस्य भेषराज आचार्य पनि एमालेमा प्रबेश गर्नुभएको छ । सो अवसरमा बोल्ने बक्ताहरुले एमाले लाई जिताउने प्रतिबद्धता जनाएका थिए ।।
