आन्दोलनरत स्वर्गद्वारी गुठी पीडित मोही किसान र प्रहरी विच काठमाण्डौँमा झडप

तुलसीपुर, १८ फागुन । स्वर्गद्वारी गुठी पीडित मोही किसान र प्रहरी विच काठमाण्डौँमा झडप भएको भएको छ । स्वर्गद्वारी गुठी पीडित मोही किसान सङ्घर्ष समितिले आयोजना गरेको आज २९ औँ दिनको प्रदर्शनमा झडप भएको हो । झडपमा प्रहरी वृत्त सिंहदरबारका डीएसपी गंगा पौडेल घाइते भएको प्रहरीले जनाएको छ ।

प्रहरी स्रोतका अनुसार डीएसपी पौडेलको सिभिल अस्पतालमा उपचार हुँदैछ भने प्रदर्शनकारीहरू तर्फ पनि केही घाइते भएका छन् । निषेधित क्षेत्र तोड्न खोजेपछि बानेश्वरस्थित बेकरी क्याफे अगाडी झडप भएको जिल्ला प्रहरी परिसर काठमाडौँले जनाएको छ । स्वर्गद्वारी गुठी पीडित मोही किसान सङ्घर्ष समिति र सरकारसँग भएको दुइ बुँदे सहमती कार्यान्वयनका लागि प्रदर्शनमा उत्रिएका छन् ।।