काठमाडौँ, १२ असोज । दशैँ बिदाअघि नेप्से परिसूचक आज ११.५१ अंकले बढेर २,६६३.५१ विन्दुमा पुगेको छ । आज जीवन बीमा समूहको शेयरमा सयभन्दा बढी अंकको बढोत्तरी देखिएको छ । कुल १७० कम्पनीको शेयर बढ्दा ६९ कम्पनीको घटेको छ ।
ग्लोबल आईएमई समुन्नति योजना–२ को शेयर १० प्रतिशतले बढेको छ भने सिकलेस हाइड्रोपावरको शेयर १० प्रतिशतले घटेको छ । नेप्से बढे पनि कारोबार रकम भने घटेको छ । आज ३ सय १४ कम्पनीका ७५ लाख ११ हजार कित्ता शेयर २ अर्ब ९३ करोड रुपैयाँमा किनबेच भएका छन् ।
शेयर बजार अब दशैँ बिदापछि असोज १९ गते आइतवार खुल्नेछ ।
प्रकाशित मिति : २०८२ असोज १२ गते आइतवार
