नेकपा स्थायी कमिटिको आजको बैठक पनि स्थगित

काठमाडौ, २६ असार ।

सत्तारुढ नेकपाको स्थायी कमिटी बैठक एक हप्तासम्मका लागि स्थगित भएको छ । आज बस्ने भनिएको बैठक फेरि स्थगित भएको हो । देशभर भैरहेको वर्षाबाट जनधनको क्षति रोक्न पार्टी पंक्तिलाई उद्धार तथा राहतमा लाग्न निर्देशन सहित ७ दिनका लागि बैठक स्थगित गरिएको पार्टी प्रवक्ता नारायणकाजी श्रेष्ठले जानकारी दिए । गएको असार ११ गतेदेखि सुरु भएको स्थायी कमिटी बैठकमा प्रधानमन्त्रीको राजीनामा माग भएपछि नेकपाभित्र विवाद बढेको छ । यही विवादको कारण स्थायी कमिटी बैठक बस्न सकि रहेको छैन । पछिल्ला केही दिनदेखि प्रधानमन्त्री एवं पार्टी अध्यक्ष केपी शर्मा ओली र अर्का अध्यक्ष पुष्पकमल दाहाल प्रचण्डबीच एकल वार्ता र सहमतिको प्रयास भैरहेको छ । यस अघि असार २२ र २४ गते तय गरिएको बैठक स्थगित भएकोे थियो ।

प्रकाशित मिति : २०७७ असार २६ गते शुक्रवार
प्रतिक्रिया