काठमान्डाै ,२० बैशाख
प्रधानमन्त्रीकाे चर्चामा रहेका नेपाल कम्युनिष्ट पार्टी नेकपाका नेता वामदेम गौतमलाई प्रतिनिधिसभाको उम्मेदवार बनाउने निर्णय गरिएको छ ।
प्रधानमन्त्री केपी शर्मा ओलीले गौतमलाई प्रधानमन्त्री बनाउने प्रस्ताव राखे पनि सत्तारुढ दल नेपाल कम्युनिस्ट पार्टी (नेकपा)को सचिवालय बैठकले पार्टी वामदेव गौतमलाई उपयुक्त समयमा प्रतिनिधिसभाको उम्मेदवार बनाउने निर्णय गरेको हो ।
केही बेरअघि सकिएको सचिवालय बैठकपछि निर्णय सुनाउँदै पार्टी प्रवक्ता नारायणकाजी श्रेष्ठ ‘प्रकाश’ले उपाध्यक्ष गौतमलाई प्रतिनिधिसभामा लैजाने निर्णय भएको बताए ।
‘उपयुक्त समयमा उहाँलाई प्रतिनिधिसभाको उम्मेदवार बनाउने र प्रतिनिधिसभामा लैजान पहल गर्ने निर्णय भएको छ’, प्रवक्ता श्रेष्ठले भने, ‘त्यसभित्रै प्रधानमन्त्री बनाउने विषय अन्तरनिहित छ ।’
त्यस्तै, बैठकले २५ वैशाखमा स्थायी कमिटी बैठक बोलाउने निर्णयसमेत गरेको उनले बताए । त्यसअघि २४ गते सचिवालय बैठक बस्ने प्रवक्ता श्रेष्ठले जानकारी दिए । यसैबिच प्रधानमन्त्री वलीले आत्मआलोचना पनि गरेका छन् ।
