देउवा समूहद्धारा ५ सय ५१ सदस्यीय राष्ट्रिय भेला आयोजक समिति गठन

फोटो फाईल

काठमाण्डौ, १६ साउन । नेपाली कांग्रेसको देउवा (पूर्वसभापति शेरबहादुर देउवा) समूहले ५ सय ५१ सदस्यीय राष्ट्रिय भेला आयोजक समिति गठन गरेको छ। शनिबार सम्पर्क कार्यालय चुनदेवीमा पत्रकार सम्मेलन गर्दै देउवा समूहले डा। शशांक कोइरालाको संयोजकत्वमा आयोजक समिति गठन गरेको जानकारी गराएको छ।

देउवा समूहले साउन २९ गते काठमाडौँमा भेला गर्दै छ। विशेष महाधिवेशनबाट गगन थापा कांग्रेस सभापति भएपछि देउवा समूह असन्तुष्ट रहँदै आएको छ। एकताका लागि कांग्रेसको संस्थापनका नेताहरू इच्छुक नदेखिएको र आफूहरू राष्ट्रिय भेला गर्ने अवस्थामा पुगेको पत्रकार सम्मेलन गर्दै कोइरालाले बताउनुभयो ।