काठमाण्डौ, २७ असार । बझाङको केदारस्यूँ गाउँपालिका–७, को सुङगरे क्षेत्रमा भएको जीप दुर्घटनामा परेर तीन जनाको मृत्यु भएको छ । बझाङका प्रमुख जिल्ला अधिकारी मुकेश कुमार केशरीका अनुसार दुर्घटनास्थलमा तीन जनाको मृत्यु भएको हो । मृतकहरुको सनाखत हुन बाँकी रहेको छ । त्यस्तै, दुर्घटनामा परेर पाँच जना घाइते भएको उहाले जानकारी दिनुभयो ।
उहाका अनुसार, अहिले घाइतेहरूको उद्धारका लागि हेलिकप्टर पठाइएको छ । जिप सडकबाट करीब ३०० मिटर तल खसेर दुर्घटनामा परेको हो । दुर्घटनाको कारण भने खुलेको छैन । दुर्घटनाको विस्तृत विवरण आउन बाँकी रहेको उहाले जानकारी दिनुभयो ।
प्रकाशित मिति : २०८३ असार २७ गते शनिवार
