तुलसीपुर,१२ मंसीर । महिला हिंसा अन्त्यका लागि मेरो भूमिका विषयक वक्तृत्वकला प्रतियोगिता सम्पन्न भएको छ । तुलसीपुर मेट्रो कलेज बहुप्राविधिक शिक्षालयको आयोजनमा लैङ्गिक हिंसा विरूद्धको १६ दिने अभियानका अवसरमा कार्यक्रम आयोजना गरिएको हो ।
कलेजका अतिरिक्त विभाग प्रमुख केपि न्यौपानेको अध्यक्षता एवम् बहुप्राविधिक शिक्षालयका सहायक प्रमुख गोपाल रेग्मीको प्रमुख आतिथ्यतामा कार्यक्रम सम्पन्न भएको हो । निर्णायक मण्डलहरूमा गोकर्ण पौडल, सुधासुमन ढकाल र विशाल न्यौपाने हुनुहुन्थ्यो । प्रतियोगितामा प्रथम स्मृति चौधरी, द्वितीय सुनिता चौधरी र तृतीय लिला विश्वकर्मा र भुपाल केसी रहनुभएको थियो । विजयी विद्यार्थीलाई पुरस्कृत गरिएको थियो ।
प्रकाशित मिति : २०८२ मङ्सिर १२ गते शुक्रवार
