दाङमा दुईवटा टिप्पर ठोक्किदा एकजना घाइते

दाङ, ११ मंसिर ।  दाङको बंगलाचुलीमा २ वटा टिप्पर आपसमा ठोक्किदा १ जना घाइते भएका छन् । घाइते हुनेमा प्युठानको माण्डवि गाउँपालिकाका विकास पुन मगर रहेको जिल्ला प्रहरी कार्यालय दाङले जानकारी दिएको छ । प्रहरीका अनुसार चुनढुङ्गा लोड गरि थाराबाट घोराही तर्फ जादै गरेको लुम्बिनी प्रदेश ०२–००१ ख ०२२८ नम्बरको टिप्पर र विपरीत दिशाबाट आउदै गरेको लु १ ख १९७९ नम्बरको खाली टिप्पर हिजो दिउँसो आपसमा ठोक्किदा दुर्घटना भएको हो ।

दुर्घटनामा परी लुम्बिनी प्रदेश ०२–००१ ख ०२२८ का चालक पुन घाइते भएको प्रहरीले जनाएको छ । उनको राप्ती स्वास्थ्य विज्ञान प्रतिष्ठान घोराहीमा उपचार भइरहेको छ ।।