तुलसीपुर, १ जेठ । नेपाल कम्युनिष्ट पार्टी बहुमत निकट अखिल क्रान्तिकारी विद्यार्थी सङ्गठनले २ सय विद्यार्थीलाई शैक्षिक सामग्री वितरण गरेको छ । विद्यार्थी एकता दिवसको अवसरमा शैक्षिक सामग्री वितरण गरिएको हो ।
दाङको तुलसीपुर उपमहानगरपालिका – ५ सुन्दरनगरमा रहेको ज्ञानज्योति आधारभूत विद्यालयमा अध्ययनरत करिब २ सय जना विद्यार्थीलाई कापी वितरण गरेको प्रअ मेघराज घिमिरेले जानकारी दिनुभयो । विद्यार्थी संगठनका अध्यक्ष नरेन्द्रको अध्यक्षता एवम् पार्टीका केन्द्रिय सदस्य तथा दाङ जिल्ला सङ्गठन विभाग प्रमुख सजगको प्रमुख आतिथ्यमा कार्यक्रम भएको थियो । कक्षा १ देखि ८ सम्मका विद्यार्थीलाई कापी वितरण गरिएको थियो ।
प्रकाशित मिति : २०८२ जेष्ठ १ गते बिहिवार
