रोल्पा,१ कात्तिक । रोल्पाको माडी गाउँपालिका–१ चालाङ भिरमा अटो दुर्घटना हुँदा एक महिलाको मृत्यु भएको छ भने अर्की महिला गम्भीर घाइते भएका छन् । दुर्घटनामा माडी गाउँपालिका–१ घोर्नेटी निवासी ३२ वर्षीया खुमा कुमारी भण्डारी र सोही वडाको जवाङ निवासी ५४ वर्षीया गौसरा घर्तीमगर गम्भिर घाइते भएका थिए । दुर्घटनामा गम्भीर घाइते भएकी भण्डारीलाई उपचारका लागि घर्तीगाउँस्थित स्मृति अस्पताल पुर्याइएकोमा बिहान साढे ११ बजेतिर चिकित्सकले मृत घोषणा गरेका थिए ।
आइतबार बिहान करिब १० बजेतिर घर्तीगाउँबाट पेदिखोलातर्फ जाँदै गरेको गरेको लु प्र ०२–००१ ह १९४७ नम्बरको अटो अनियन्त्रित भई सडकबाट करिब ६ सय मिटर तल खस्दा दुर्घटना भएको प्रहरीले जनाएको छ । अर्की घाइते घर्तीमगरको शरीरका विभिन्न भागमा चोट लागेको र अवस्था गम्भीर रहेको छ । अटोमा चालकसहित तीन जना सवार रहेको र घटनाबारे थप अनुसन्धान भइरहेको प्रहरीले जनाएको छ।
टिप्पणी तथा प्रतिक्रिया
यस समाचारबारे आफ्नो विचार तथा प्रतिक्रिया राख्नुहोस्।