बियरको बोत्तलले हिर्काएर बुहारीले गरिन् सासुको हत्या

जाजरकोट,  २६ कात्तिक ।  जाजरकोटमा सासु बुहारीबिच विवाद हुँदा बुहारीको कुटाइबाट सासुको ज्यान गएको छ । विवादका क्रममा बुहारीले सासुलाई बियरको बोत्तलले हिर्काउँदा सासुको ज्यान गएको जाजरकोट प्रहरीले जनाएको छ ।

जाजरकोटको भेरी नगरपालिका–१ रिम्ना बजारकी २७ वर्षकी भवानी रानाले ४५ वर्षकी सासुलाई कन्चटमा हिर्काएको प्रहरी निरीक्षक रमेश अवस्थीले जानकारी दिनुभयो । घट्ट बेचेको पैसाको विषयलाई लिएर सासुबुहारीबिच विवाद भएको थियो ।

हत्यामा संग्लग्न भएको आरोपमा भवानी र मृतकका पति दूधबहादुरलाई पक्राउ गरेर अनुसन्धान भैरहेको प्रहरीले जनाएको छ ।

प्रकाशित मिति : २०७४ कार्तिक २६ गते आइतवार
प्रतिक्रिया