लक्ष्मण विश्वकर्मा,तुलसीपुर ६ कार्तिक ।
तुलसीपुर रक्षाचौर ,आँखा अस्पताल हुदै घोरानेटी, लामीदमार र तरुले जोड्ने सडक बाटो मर्मत गरीएको छ । वर्षातको समयमा बाटो विग्रिएको स्थानमा डोजर प्रयोग गरी मर्मत गरीएको हो । तुलसीपुर वडा नं. ४ मा पर्ने उक्त सडकमा खाल्डाखुल्डीका कारण सवारी आवतजावतमा समस्या भएकाले डोजर लगाइएको हो ।
सो अवसरमा नेकपा एमाले वडा नं. ४ का वडा कमिटिका अध्यक्ष दोलक बहादुर खत्री, नेपाली काग्रेस वडा नं. ४ का सभापति तारा सेन,चमेरेगुफा संरक्षण समितिका सचिव तेजेन्द्र डाँगी लगाएतको सहभागिता रहेको थियो । वडा कार्यालयको वजेटबाट उक्त काम सन्चालन गरीएको हो ।
वडा नं. ४ का वडा अध्यक्ष बालकृष्ण रानाले तुलसीपुर वजार क्षेत्रबाट ग्रामिण क्षेत्रमा सवारी साधन पुग्न सहज होस भन्ने उद्देश्यका साथ वडा कार्यालयको आन्तरिक वजेटबाट काम गर्न थालिएको बताउनु भएको छ । साथै उहाले केहि समय पछि वडाको खारखोला,खाद्रे,वनहरी, सुकिदह ,लामीदमार ,घोरानेटी हुदै रक्षाचौरका लागी एउटा बस सन्चालन गर्ने गरी तयारी भईरहेको उहाले बताउनु भएको छ ।
