तुलसीपुर, ४ साउन /
तुलसीपुर उपमहानगर पालिकाका नगर प्रमु घनश्याम पाण्डेले जनतासामु गरेका बाचा पुरा गर्ने बताउनु भएको छ । नेकपा एमाले तुलसीपुर उपमहानगरपालीका वडा नं. ९ ले नयाँवस्तीमा आयोजना गरेको बधाई तथा सम्मान कार्यक्रमलाई प्रमुख अथितीको असानबाट सम्बोधन गर्दै नगर प्रमुख पाण्डेले नगरपालिकामा आएको एक महिना नपुग्दै आफु विरुद्ध टिकाटिप्पणी सुरु भए पनि त्यसले आफुलाई काम गर्न थप उत्प्रेरणा प्रदान गर्ने बताउनुभयो ।
नगरलाई समृद्धिको बाटोमा अघि बढाउन आफुल लागिपरेको भन्दै एक सय दिनपछि विस्तारै परिवर्तनका ढोकाहरु खुल्दै जाने उहाँले बताउनुभयो ।सो अवसरमा एमाले दाङका अध्यक्ष टिकाराम खड्काले एमालेबाट निर्वाचित जनप्रतिनीधिले आफनो कार्यकालमा प्रशंसा योग्य र उदाहरणीय काम गरेर देखाई दिने दाबी गर्नु भयो ।
वडा कमिटिका अध्यक्ष मुक्ति प्रसाद भट्टराईको अध्यक्षतामा भएको कार्यक्रममा तुलसीपुर उपमहानगरापालिका उप मेयर माया आचार्य , नेकपा एमाले ९ का वडा कमिटी सचिव संगित बस्याल, नेकपा एमाले ८ नम्बर वडा सचिव केशव सापकोटा, बामदेव भुसाल लगाएतले बोल्नु भएको थियो । सो अवसरमा नवनिर्वाचित नगर प्रमुख, उप प्रमुख र सदस्यलाई सयौं वडावासीले फुलमाला र अबिबरले सम्मान गरेका थिए ।
