तुलसीपुर , १६ असार
रोटरी क्लव अफ तुलसीपुर सिटीको अध्यक्षमा रेडियोकर्मी तुफानवावु श्रेष्ठ चयन भएका छन्। तुलसीपुरमा भएको दशौ स्थापना तथा पद हस्तान्तरण कार्यक्रममा श्रेष्ठलाई सर्वसम्मतबाट चयन गरिएको हो । अध्यक्ष विरवहादुर रावतले रोटरी चेन हस्तान्तरण गरेर श्रेष्ठलाई कार्यभार सुम्पेका हुन् । ं सन् २०१७/८ का लागि चयन भएको कार्यसमितिको भावि अध्यक्षमा राजेन्द्र प्रसाद श्रेष्ठ, प्रस्तावित अध्यक्षमा देववहादुर केसी,उपाध्यक्षमा सुरेश हमाल, यज्ञवहादुर केसी र शिव श्रेष्ठ रहेका छन् । त्यसैगरी एकवर्षका लागि चुनिएको कार्यसमितिको महासचिवमा डम्वर वहादुर डाँगी, कोषाध्यक्षमा विनिल केसी, सहसचिवमा पवन योगी रहेका छन् ।
त्यसैगरी डाइरेक्टरहरुमा सुवोध शर्मा, टेकनप्रसाद वस्नेत हिमाल, विष्णुप्रसाद भुषाल, विष्णुकुमारी केसी, उमेशचन्द्र मजगैया, मर्यादा पालकका दुर्गावहादुर केसी र सम्पादकमा मोनिका कर्माचार्य रहेका छन् । तुलसीपुरमा २००७ सालमा स्थापना भएको रोटरीले यस क्षेत्रमा स्वास्थ्य शिविर सञ्चालन, शैक्षिक सामग्री वितरण, रक्तदान,वाढी पिडित र असहायलाई सहयोग, वृक्षारोपण जस्ता विभिन्न सामाजिक कामहरु गर्दै आएको छ । श्रेष्ठले विगत १० वर्षदेखि रोटरीमा रहेर काम गर्दै आएका थिए । तुलसीपुरमा आयोजना गरिएको पद हस्तान्तरण कार्यक्रममा प्रमुख अतिथि क्लवका पुर्व अध्यक्ष कुशल तर्ताल,अनुपकुमार श्रेष्ठ, विमल रिजाल र विजय केसी लगायतले मन्तव्य राखेका थिए । कार्यक्रमको सहजिकरण महासचिव यज्ञ केसीले गरेका थिए ।
