घोराही,२६ जेठ ।
जुवा खेलिरहेको अवस्थामा दाङमा चार जना पक्राउ परेका छन । पक्राउ पर्नेमा घोराही उपमहानगरपालिका वडा नम्बर १४ बस्ने बर्ष ४१ का चन्द्र बहादुर पुन र सोहि ठाउ बस्न्े बर्ष ३१ का तिलक बुढा, रोल्पा मसिना ४ बस्ने बर्ष ३४ का जय प्रकाश पुरी र रोल्पा जौली पोखरी ९ बस्ने बर्ष २५ का गोविन्द बाठा रहेको जिल्ला प्रहरी प्रमुख प्रहरी उपरीक्षक धिरज प्रताप सिंहले जानकारी दिनुभयो ।
घोराही नयाँ बसपार्क स्थित के एन के होटल एण्ड लज संचालक चन्द्र बहादुर पुनले आफ्नै घरमा जुवा खेली र खेलाई रहेका छन भन्ने सुचनाको आधारमा प्रहरीको टाली त्यहा पुगेको सिँहको भनाई छ । जुवा खेलीरहेको खालबाट तास तीन गड्डी र तेईस हजार रुपैया समेत बरामद गरीएको छ । उनिहरुको बारेमा आवस्यक अनुसन्धान भईरहेको प्रहरीले जनाएको छ ।
प्रकाशित मिति : २०७४ जेष्ठ २६ गते शुक्रवार
