तुलसीपुर, १५ जेठ ।
श्रीमति हत्याको आरोपमा प्रहरीले तुलसीपुरबाट एक जना पक्राउ परेका छन् । पक्राउ पर्नेमा तुलसीपुर उमहानगरपालिका ४ रक्षाचौर निबासी ५३ बर्षका दिलबहादुर पुन रहेको इलाका प्रहरी कार्यालय तुलसीपुरका प्रहरी नायब उपरिक्षक लोकनाथ तिम्सिनाले जानकारी दिए । श्रीमानको कुटपिटपछि घाइते ४३ बर्षिया श्रीमति गोमा पुनको उपचारका क्रममा मृत्युभएको उजुरी परेपछि प्रहरीले दिलबहादुरलाई सोमबार विहान घरबाट नियन्त्रणमा लिएको हो ।
दिलबहादुरकी सासु भिमी रानाले छोरीको हत्या जवाईले गरेको भन्दै प्रहरीमा सोमबार विहान लिखित उजुरी दिएकि थिइन । गत ११ गते श्रीमान दिलबहादुरको लाठि प्रहारबाट गम्भिर घाइते गोमाको आइतबार कोहोलपुरमा उपचारका क्रममा मृत्यु भएको उल्लेख गरिएको छ । ‘यता प्रहरीले अनुसन्धान जारि रहेको बताएको छ । लाठीको कुटपिटबाट हत्या भएको हो, या कुनै रोगले त्यो पोष्टमार्टम रिर्पोट पछि मात्रै थाहा हुन्छ प्रनाउ तिम्सिनाले भन्नुभयो ।’ मृतकलाई केहि रोग भएको खुलेको पनि प्रहरीले बताएको छ ।
