खकेन्द्र केसी
बैशाख २६ सल्यान / सोमबार साँझ आएको हावा, हुरी र पानी सहितको चट्याङले सल्यान बागचौर नगरपालीका २ कोटबेतमा एक जना घाइते भएका छन् भने एउटा घर जलेर ध्वस्त भएको छ । चट्टयाङले बाटोमा हिडीरहेका स्थानीय ५३ वर्षीय बिरबहादुर तामाङ घाइते भएका छन् भने उनलाई अहिले उपचारको लागी नेपालगजं पठाएको छ ।
त्यस्तै अर्का गणेश बस्नेतको तिन कोठे घरमा पनि चट्टयाङले गर्दा दुईवटा कोठा पुर्ण रुपमा क्षति भएका छन् । कोठा भित्र रहेको लत्ताकपडा, सुनका गरगहना, कम्प्युटर, ल्याप्टप र नगद गरी करीब २ लाख बराबरको क्षति भएको इलाका प्रहरी कार्यालय थारमारेले जानकारी दिएको छ । घरमा कोहि नभएको बेला परेको चट्टयाङले मानविय क्षति भएको छैन् । काठको घर भएकाले चट्याङ लागीसकेपछि घर जलेर खरानी भएको बताइएको छ ।
प्रकाशित मिति : २०७४ बैशाख २६ गते मङ्गलवार
