शरद रेग्मी
तुलसीपु , १९ बैशाख
तुलसीपुर बजारका मुख्यभागबाट आज ७ टेक्टर फोहर संकलन गरिएको छ । क्लिन तुलसीपुर ग्रिन तुलसीपुर सरसफाई अभियान अन्र्तगत बजारका सडक, पेटी, नालामा फालिएका र खसेका फोहरलाई संकलन गरेर विर्सजन गरिएको सरसफाई अभियानका संयोजक बिमल रिजालले जानकारी दिए ।
हातहातमा झाडु लिएर सरसरफाइमा जुटेका सहभागीले, बढार्नुका साथै कागज, पलाष्टिकका टुक्रा, सिसा, विष्कुट, चाउचाउका खोल जस्ता फोहरजन्य बस्तुहरु संकलन गरेका थिए । ३७ औं हप्ताको सरसफाई अभियानको उद्घाटन ईलाका प्रहरी कार्यलय तुलसीपुरका प्रहरी निरिक्षक प्रकाश चन्द्र गुप्ताले गरेका थिए । आजको सरसफाईमा ४ सय बढि म्यादी प्रहरीको सहभागीता रहेको थियो । फोहर व्यवस्थापनका लागि ट्रेक्टर व्यवासयी समिति र तुलसीपुर नगरपालिकाले सवारीसाधन उपलब्ध गराएका थिए । आज क, ख, ग, घ र ङ लाइनमा सरसफाई गरिएको हो ।
