तुलसीपुर, १८ बैशाख ।
आज विहान आएको हावाहुरीले केहि क्षती पुराएको प्रहरीले बताएको छ । हावाहुरीले तुलसीपुरको शसस्त्र वेश क्याम्पको एउटा छाना उडाएको ईलाका प्रहरी कार्यालय तुलसीपुरले बताएको छ । क्षतिको विवरण बार बुझ्न त्यहा प्रहरीको टोली गएको छ । यस्तै तुलसीपुरको गुम्राहचोकको सडकमा एउटा रुख ढलेको छ । रुखले टेलिकम र अन्य तारहरु भुईमा लतारेको छ ।
क्षति भएको बारे अझै थाहा नभएको प्रहरीले जनाएको छ । तर विद्युत भने विहान देखि नै अवरुद्ध भएको छ । विहान ८ बजे सम्म दाङमा कहि कतै विद्युत नभएको जानकारी दिईएको छ । यता विद्युत वितरण केन्द्र तुलसीपुरले भने केहि ठाउहरुमा रुख र पोल ढलेकाले विद्युत अवरुद्ध भएको बताएको छ । कार्यालय प्रमुख टँकराज गिरीका अनुसार प्राविधिक टोलि मर्मतका लागि हिडिसकेको छ ।
मर्मतमा भने हल्का पानी र हावाले केहि अवरोध गरीरहेको छ । कहाँ कति क्षति भएको छ, सबै जानकारी आएको छैन उहाले भन्नुभयो । त्यसका लागी टोली हिडिसकेकोले मर्मत र चेक गर्ने काम भैरहेको उहाले तुलसीपुर खबर सँगको कुराकानिमा भन्नुभयो ।
