“ एमालेको जनलहर छ , यो अवसर लाई गुमाउन हुन्न ”

बिस्माथ केसी,तुलसीपुर २७ चैत्र । नेकपा एमाले तुलसीपुर उपमहानगरपालिका वडा नं. १३ को वडा भेला फुलवारीमा सम्पन्न भएको छ । सो अवसरमा बोल्दै पुर्व केन्द्रिय सल्लाहकार सदस्य शोेभाराम वस्नेतले एमाले प्रति जन लहर बढेकाले यो अवसर कुनै हालतमा गुमाउन नहुनेमा जोड दिनुभएको थियो । यो स्थानिय निकायको चुनावमा जसरी पनि जित्नुपर्ने भएकाले सबै कार्यक्रता खटिनुपर्ने उहाको धारणा थियो । यस्तै सहकारी तथा गरीवी निवारणका केन्द्रिय सदस्य घनश्याम पाण्डेले आर्थिक आर्थिक समृद्धिका लागि एमालेले मात्र भुमिका खेल्ने बताउनुभयो । देश लाई आर्थिक समृद्धिको खाचो भएकाले एमालेले जित्नै पर्ने उहाले बताउनुभएको थियो । यस्तै एमाले जिल्ला सचिब हिराचन्द्र केसीले एमालेप्रति बढेको जनलहर लाई खेर फाल्न नहुने भन्दै जित्नका लागि सवै जुट्नुपर्नेमा जोड दिनुभएको थियो । कार्यक्रममा माओवादि केन्द्र बाट प्रवेश गरेका खिमकान्त पाण्डेले काग्रेस र माओवादिले देश लाई विखण्डन तर्फ लग्न खाजेकोले एमालेको प्रबेश गरेको बताउनुभयो । एमालेले मात्र देश जोगाउन सक्ने भन्दै देश जोगाउनका लागि लाग्नुपर्ने वेला आएको नव प्रवेशिहरुको धारणा थियो । यस्तै रत्न बहादुर डागी सहित वीस जना एमालेमा प्रबेश गरेका थिए । सो अवसरमा जिल्ला सदस्य मान बहादुर रावत,पुर्व जिल्ला सदस्य माया आचार्य,साविक फुलवारी गाविसका पुर्व अध्यक्ष मदन कुमार केसी, पुर्व क्षेत्रिय सदस्य हुकुम बहादुर रोका लगाएतले वोल्नु भएको थियो । साथै भेलाले वस्नेतको सयोजकत्वमा वडा कमिटि गठन गरेको छ । वडा संयोजक रविलाल वस्नेतको अध्यक्षतामा भएको भेलाको सहजिकरण वडाका उप संयोजक मोहन पौडेलले गर्नुभएको थियो ।।