जस्पुरको जनबहार हुदै ग्वार खोला जोड्ने सडक भयो फराकिलो

बसन्त परियार,तुलसीपुर २७ चैत्र । तुलसीपुर उपमहानगरपालिका ११ जस्पुर जनबहार चौक हुदै ग्वारखोला जोड्ने सडक लाई फराकिलो बनाईएको छ । क्षेत्र विकास कोष अन्र्तगत दश लाख रुपैया मध्ये बाट ३ लाख ३३ हजार रुपैयामा उक्त सडक फराकिलो बनेको हो । सो सडकको वडा नम्बर १२ हेमनगर,गरगरुवा हुदै ग्वारखोला सम्म सडक फराकिलो पारीएको उपभोक्ता समितिका अध्यक्ष यूवराज केसीले बताउनुभएको छ । उहाका अनुसार सडक नौ मिटर चौडा पारीएको छ । झण्डै एक हजार आठ सय मिटर लम्वाई रहेको सडक वरीपरी एक एक मिटर नाला खनिएको केसीले बताउनुभयो । सो सडक पराकिलो भएपछि सवारी आवत जावतमा सहज हुने अपेक्षा गरीएको छ । ठुला सवारी त्यहा जान नसक्ने भएपछि स्थानिय लाई समस्या भएको थियो । स्थानिय एवं एमाले जिल्ला उपाध्यक्ष हुकुम बहादुर बस्नेतको पहलमा उक्त बजेट विनियोजन भएको थियो ।