तुलसीपुर २२ पौष । तुलसीपुरमा एक होटेल सन्चालक पक्राउ परेका छन् ।तुलसीपुर १४ घर भई हाल तुलसीपुर ५ न्यूरोड स्थित न्यू फुलवारी होटेलका सञ्चालक थुमलाल चौधरी पक्राउ परेका छन् । उनले यूवतीहरु राखी ललाई फकाइ गरी वेश्यावृतीमा लगाएको भन्ने गोप्य सुचनाको आधारमा ईलाका प्रहरी कार्यालय तुलसीपुरबाट खटिएको प्रहरी टोलीले शनिवार फक्राउ गरेको जिल्ला प्रहरी कार्यालय दाङले जानकारी दिएको छ ।
प्रहरीका अनुसार एक जना पीडित महिलाले दिएको सुचनाका आधारमा गएको प्रहरी टोलीले होटेलमा खानतलासी गर्ने क्रममा थप १ जना पीडित महिला समेत फेला पारी उनलाई उद्धार गरिएको छ । होटेल सन्चालककी श्रीमती समेत उक्त कार्यमा संलग्न रहेको पाईएको प्रहरीले जानकारी दिएको छ । सन्चालक सहित श्रीमतीलाई पक्राउ गरी मानव वेचबिखन तथा ओसार पसार (नियन्त्रण) ऐन २०६४ अन्र्तगत मुद्धा दर्ता गरी अनुसन्धान भइरहेको जिल्ला प्रहरी कार्यालय दाङका प्रहरी प्रवक्ता रामप्रसाद घर्तिमगरले जानकारी दिएका छन् ।
