तुलसीपुर, १४ पुस
नेपाल महिला एकता समाज तुलसीपुरले सुकुम्बासीका मुद्दालाई शसक्त ढंगले अघि बढाउने भएको छ । संस्थाले तुलसीपुरमा पत्रकार सम्मेलनको आयोजना गरेर बर्षौ देखि सुकुमबासी भूमिहिन भएर बस्दा उनिहरुको जीवन कष्टप्रद भएको भन्दै आवाज उठाउनुको विकल्प नभएको समाजका अध्यक्ष यमुना परियारले जानकारी दिनुभयो । निर्वाचनको समयमा जनताको घरदैलोमा पुगेका निर्वाचित जनप्रतिनिधिले हातहातमा लालपुर्जा दिने बाचा गरेपनि अपेक्षा अनुसार बिसको उन्नाईस काम नहुनुले भोटको अवमूल्यन भएको समाजले निश्कर्ष निकालेको छ । भाषण र कच्चि सडकमा छरिने बालुवाले मात्रै जनताको भोको पेट नभरिने भन्दै ठूलो सपना भन्दा पनि जनताको जिवनसंग जोडिएका स–साना कुरालाई मह्व दिदा त्यसले सार्थकता राख्ने समाजले बतायो ।
संस्ताले भोली ५ नंं. प्रदेशका मुख्य मन्त्री शंकर पोख्रेललाई ६ बुँदे ज्ञापन पत्र समेत बुझाउने तयारी गरेको छ । ज्ञापन पत्रमा सुकुम्बासीको लगत संकल गर्नु पर्ने, लालपुर्जा वितरण, भूमि व्यवस्था गर्नु , कुनै विकल्प विना उठिबास लगाउन नहुने, सुकुम्बासीका छोराछोरीलाई आर्थिक समाजिक, शैक्षिक रुपमा राज्यबाट सहयोग लगाएतका माग समेटिएका छन् । नेपाल महिला एकता समाजका अध्यक्ष यमुना परियारको अध्यक्षतामा भएको कार्यक्रममा नेपाल पत्रकारमहासंघ दाङका सह–सचिव शर्मील डिसी, संस्थाका कोषाध्यक्ष अन्जना पुन, पत्रकार अन्जना चौधरी, यमकला भुसाले विभिन्न जिज्ञासा राखेका थिए।
