तुलसीपुर, १३ पौष ।जन्म दिनको अवसरमा शैक्षिक सामग्री वितरण गरीएको छ । तुलसीपुर उपमहानगरपालिका वडा नम्बर ७ बस्ने ईश्वरी प्रसाद गैरेले आफना नाति एडीन गुरुङ तेस्रो बर्ष पुरा गरी चौथो वर्षमा प्रबेश गरेको अवसरमा राप्ती बहिरा संघको छात्रबास तुलसीपुर ७ खर्चुवामा शुक्रवार एक कार्यक्रमको आयोजना ११८ जना छात्रछात्रालाई शैक्षिक सामाग्री बितरण गरेका हुन् ।
उनले फजुल खर्च गरेर जन्म दिन मनाउनु भन्दा आफनो नातीलाई सानो उमेर देखी नै सकारात्मक काममा आफनो लगानी लगाउन शिक्षा मिलोस् भनेर शैक्षिक सामग्री वितरण गरीएको बताएका छन् । जन्म दिनको अवसरमा अनावश्यक खर्च गरेर मनाउनु राम्रो सन्देश नभएको भन्दै सामाजिक कार्यमा खर्च गर्न सकारात्मक सन्देश भएको गैरेले बताएका छन् ।
सोहि कार्यक्रममा बोल्दै संघका अध्यक्ष अजय कुमार शर्माले बहिरा बालबालिकाको समस्या बारे जानकारी गराउदै शैक्षिक समाग्री उपलब्ध गराई सहयोग गरेकोमा गैरे परिवार प्रति धन्यावाद ज्ञापन गरेका थिए ।साथै उनले आफुहरुलाई सवैको सहयोगको खाचो रहेको समेत बताएका थिए । कार्यक्रमको सहजीकरण संघका कार्यकारी निर्देशक प्रतिमा शर्माले गरेकी थिईन् ।
