तुलसीपुर, ११ मंसीर ।दाङको घोराहीमा रहेको तलाउमा डुवेर बेपत्ता भएका घोराही उपमहानगरपालीका १५ का १८ वर्षीय लक्ष्मण डिसीको खोजीकार्यका लागी तालिम प्राप्त गोताखोर सोमवार साँझ दाङ आईपुगेको छ । घोराही वडा नंम्वर १७ गुलरीयामा निमार्ण गरीएको कृत्रिम तलाउमा आईतवार ४ वजेतिर नुहाउने क्रममा उनी बेपत्ता भएका थिए । उनको खोजीका कार्यका लागी आईतवार देखी सोमवार दिनभर खोजीकार्यका लागी प्रहरी परिचालक गरी अनेकौ प्रयास गर्दा समेत फेला पार्न नसकिएको प्रमुख जिल्ला अधिकारी गजेन्द्र बहादुर श्रेष्ठले जानकारी दिएका छन् ।
सामेवार तलाउको पानी सुकाउनका लागी दिनभर दमकल, पानी मोटर र तलाउ समेत खोलिएको थियो तर पनि बेपत्ता युवकलाई फेला पार्न सकिएको थिएन । दुई दिनको खोजी कार्य असफल भएपछि तालिम प्राप्त गोताखोरको दुई जना टोलि दाङ आइपुगेको हुदा मंगलवार विहानै देखी खोजीकार्य सुरु गरिने प्रजिअ श्रेष्ठले जानकारी दिएका छन् ।
