तुलसीपुर ३ मंसिर
कारागार कार्यालय तुलसीपुरमा रहेका ३ सय ८२ कैदी मध्य सबै भन्दा बढी जबरजस्ती करणीका कैदी वन्दी रहेका छन् । जबरजस्ती करणी मुद्दाको कैद भुक्तान गरिरहेका कैदीको संख्या एक सय ३३ जना रहेको छ । दोस्रोमा कर्तव्य ज्यान मुद्दाका छन् । कर्तव्य ज्यान मुद्दाको कैद भुक्तान गर्नेको संख्या ८७ पुगेको छ । त्यसैगरी लागु औषध ५९, अपहरण १९, जिउ मास्ने बेच्ने १५, चोरी १७, डाँकाचोरी १४, वहु विवाह १४, गौबध ७, आगलागी ४, अप्राकृतिक मैथुन २, ठगी २, अन्य ६ , वन पैदावार २,सवारी ज्यान ३, र भष्टाचार मुद्दामा १ जनाले कैद भुक्तान गरिरहेका छन् ।
प्रकाशित मिति : २०७५ मङ्सिर ३ गते सोमवार
