आज सुनको भाउ २ हजार ५ सय रुपैयाँले बढ्यो

काठमाण्डौैं,१९ भदौ । आज सुनको भाउ २ हजार ५ सय रुपैयाँले बढेको छ । नेपाल सुनचाँदी व्यवसायी महासंघका अनुसार सुन आज तोलाको ३ लाख ७ हजार ४०० रुपैयाँमा कारोबार भइरहेको छ । हिजो विहीवार तोलामा ७ हजार ६०० रुपैयाँले बढेर सुन ३ लाख ४ हजार ९०० रुपैयाँमा कारोबार भएको थियो । आज चाँदीको भाउ पनि ४० रुपैयाँले बढेको छ । हिजो ४ हजार ७२५ रुपैयाँमा करोबार भइरहेको चाँदीको भाउ आज ४ हजार ७६५ रुपैयाँमा कारोबार भइरहेको महासंघले जनाएको छ ।