दाङका रसुवा बाढिका कारण सम्पर्कविहीन हुनेको संख्या ५४ पुग्यो

दाङ,१७ भदौ । रसुवामा आएको बाढीका कारण सम्पर्कविहीन हुने दाङका नागरिकको संख्या ५४ पुगेको छ। बुधबार साँझ ६:३० बजेसम्मको अद्यावधिक विवरणअनुसार दाङको राप्ती गाउँपालिका–४ निवासी २२ वर्षीय सिजन चौधरी पनि बाढीपछि सम्पर्कविहीन भएका छन्। चौधरी रसुवामा काम गर्दै आएको जनाइएको छ।

सिजन चौधरी थपिएसँगै रसुवा बाढीमा सम्पर्कविहीन हुने दाङका नागरिकको संख्या ५४ पुगेको हो। तीमध्ये ४५ जना पुरुष र ९ जना महिला रहेका छन्। हालसम्म ५ जना पुरुष भने परिवार तथा आफन्तको सम्पर्कमा आएको प्रहरीले जनाएको छ ।