रोल्पामा पहिरोमा पुरिएर वेपत्ताभएका दुई महिलाको शव फेला

फोटो फाईल

रोल्पा, १० साउन । रोल्पामा पहिरोमा पुरिएर बेपत्ता भएका दुई जनाको शव आज आईतवार फेला परेको छ । शनिबार दिउँसो सुनछहरी गाउँपालिका–१ सेरमस्थित दवाङ लेकमार्गमा गाई बाख्रा चराउन गएको बेला पहिरोमा पुरिएर बेपत्ता भएका सुनछहरी गाउँपालिका–१ का ५१ वर्षीया असौजी घर्तीमगर र ३६ वर्षीया अमरा घर्तीमगरको शव आज फेला परेको जिल्ला प्रहरी कार्यालय रोल्पाले जनाएको छ ।

उनीहरुको शव परीक्षणका लागि रोल्पा अस्पतालमा लगिएको प्रहरीले जनाएको छ । त्यस्तै, सोही पहिरोमा परी घाइते भएका ६० वर्षीय कुले घर्तीमगरको स्थानीय सेरम स्वास्थ्यचौकीमा उपचार भइरहेको छ । उहाको शरीरका विभिन्न भागमा चोट लागेको प्रहरीले जानकारी दिएको छ ।