तुलसीपुर,१८
सर्पको टोकाई बाट दाङमा एक जनाको ज्यान गएको छ । पश्चिम बाघमारे १ निवासि विर बहादुर पुनको गयराति सर्पको टोकाईबाट ज्यान गएको प्रहरीले बताएको छ । गय राति करीव नौ बजे तिर गाउ बाट घर फर्किने क्रममा उनलाई बाटोमा सर्पले टोकेको ईलाका प्रहरी कार्यालय तुलसीपुरले बताएको छ । उनको आज विहान झण्डै तिन बजे तिर अञ्चल अस्पताल तुलसीपुरमा उपचारका क्रममा ज्यान गएको हो । आफुलाई सर्पले टोकेपछि उनले सर्प लाई समेत मारेका थिए । उनको शव पोष्र्टमाटम पछि आफन्तले बुझेर लगेको प्रहरीले जनाएको छ ।।
प्रकाशित मिति : २०७३ चैत्र १८ गते शुक्रवार
