तुलसीपुर, २६ असार । तुलसीपुरमा एक नवजात शिशुको शव फेला परेको छ । ईलाका प्रहरी प्रहरी कार्यालय तुलसीपुरका अनुसार मंगलवार विहान रानीजरुवा स्थित खानेपानी टंकी देखी उत्तर तर्फ पानी भएको खाडलमा शिशुको शव फेला परेको हो । घटनाको प्रकृति हेर्दा अढाई महिनाको नवजात शिशुको शव पानीमा तैरीएको अवस्थामा फेला परेको हो ।
ईलाका प्रहरी कार्यालय तुलसीपुरका अनुसार अवैध यौन सम्पर्कबाट जन्मिएको नवजात शिशुलाई कसैले फालिदिएको हुन सक्ने अनुमान गरीएको छ । उक्त शिशुको शवलाई पोष्टमार्टम गर्न नमिल्ने भएकाले मुचुल्का तयार गरी प्रक्रिया पुराएर गाडीदिएको डिएसपि प्रकास सापकोटाले जानकारी दिएका छन् ।
प्रकाशित मिति : २०७५ असार २६ गते मङ्गलवार
