फाइल फाेटाे
तुलसीपुर, १७ बैशाख । रोल्पाको थवाङस्थित जलजलामा जिप दुर्घटना हुँदा १७ जनाको मृत्यु भएको छ । जिल्लाको थवाङ गाउँपालिका १ जलजलामा रुकुमपूर्वबाट जलजलातर्फ जाँदै गरेको जिप बिहीबार दिउँसो भिरबाट करिब ८ सय मिटर तल खसेर दुर्घटना भएको हो ।
प्रहरीले अहिलेसम्म १७ जनाको मृत्यु भएको र उद्धार कार्य जारी रहेको जनाएको छ । लु१ज ४१६७ नम्बरको बोलेरो जिप दुर्घटनामा परेको हो । जलजलामा वैशाख पूर्णिमाको अवसरमा लाग्ने मेलामा सहभागी हुनेहरूलाई बोकेको जिप दुर्घटनामा परेको प्रहरीले जनाएको छ ।दुर्घटनामा परी ज्यान गुमाएकोहरुको सनाखत हुन बाँकी रहेको र विस्तृत विवरण आउन बाँकी रहेको प्रहरीले जानकारी दिएको छ ।
प्रकाशित मिति : २०८३ बैशाख १७ गते बिहिवार
