फोटो फाईल
काठमाडौ, २ बैशाख । नेपाली कांग्रेसले पूर्वउपसभापति पूर्णबहादुर खड्कालाई सात दिने स्पष्टीकरण सोध्ने निर्णय गरेको छ । कांग्रेस अनुशासन समितिको आज बसेको बैठकले पार्टीको लेटरप्याडमार्फत आफूसँग नभएको जिम्मेवारी प्रयोग गरी नेता खड्काले गएको चैत ३० गते विधान विपरीत काम गरेको भन्दै स्पष्टीकरण सोधेको हो ।
समितिले नेता खड्काले यसअघि चैत १४ गते पनि पार्टीको लेटरप्याडमार्फत वक्तव्य जारी गरेको भन्दै सचेत गराउने निर्णय गरेको थियो ।यसैगरी समितिले गएको फागुन २१ गते सम्पन्न प्रतिनिधिसभा सदस्य चुनावमा पार्टीको विधान विपरीत अनुशासन उल्लङ्घन गरेका व्यक्तिमाथि उजुरी दिने अवधि थप गरी यही वैशाख मसान्तसम्म थप गर्ने निर्णय गरेको छ ।
प्रकाशित मिति : २०८३ बैशाख २ गते बुधवार
