बस आगलागीमा परी घाइते भएका चालको निधन

काठमाडौँ, ६ असोज । त्रिपुरेश्वरमा सोमबार बस आगलागीमा परी घाइते भएका चालको निधन भएको छ । २५ वर्षीय चालक दावा लामाको कीर्तिपुर अस्पताल (बर्न अस्पताल)मा उपचारका क्रममा निधन भएको प्रहरी स्रोतले जनाएको छ । स्रोतका अनुसार लामाको सोमबार राति नै निधन भएको हो ।अस्पतालका अनुसार चालकको शरीरको ९० प्रतिशत भाग जलेको थियो ।

घाइते चालकलाई दिउँसो करिब १ बजे अस्पताल पुर्‍याइएको थियो।सोमबार मध्याह्न त्रिपुरेश्वरचोकको बस स्टपमा रिद्धिसिद्धि यातायातको बसमा आगलागी भएको थियो। आगलागी भएको बस नम्बर बा५ख ४२७४ भएको प्रहरीले जनाएको हो । चालक आफैँले बसमा आगो लगाएको प्रहरीको प्रारम्भिक अनुसन्धान निष्कर्ष छ । घटना हुनुअघि उहाको ट्राफिक प्रहरीसँग विवाद भएको थियो । यो घटनाको छानबिनका लागि समिति गठन भइसकेको छ ।