चैत २६ ।
अमेरिकाले सिरियामा विद्रोही नियन्त्रित इलाकामा गरिरहेको हमला बारे रुसले दिएको प्रतिक्रिया निराशाजनक भएको तर आचश्र्यजनक नभएको प्रतिक्रिया दिएको छ । अमेरिकाले सिरियाको केही इलाकामा शुक्रबार मिसाइल आक्रमण गरेको हो । शुक्रबार अमेरिकाले सिरिया विद्रोही नियन्त्रित क्षेत्रमा मिसाइल आक्रमण गर्दा ६ जनाको ज्यान गएको बिबिसीले जनाएको छ । गएको मंगलबार सिरियामा भएको रासायनिक आक्रमण गम्भीर विषय भएको र यसको जवाफ त्यही अनुसार नै दिनु पर्ने भन्दै अमेरिकाले मिसाइल आक्रमण गरेको हो ।
मंगलबार भएको रासायनिक आक्रमणमा २७ बालबालिकासहित धेरैले ज्यान गुमाएका थिए । अमेरिकी आक्रमणपछि रुस रुष्ट भएको थियो । अमेरिकी आक्रमणपछि रुसले सिरियाली वायु सेनाको क्षमता बढाउने घोषणा गर्दै सिरियामा हवाइ आक्रमण रोक्नेसम्बन्धी अमेरिकासँगको सम्झौता रद्द गरिदिएको छ । अमेरिकाले सिरियालाई थप आक्रमण हुनसक्ने चेतावनी पनि दिएको छ ।
