तुलसीपुर, २५ फागुन । दाङको तुुलसीपुरमा मोटरसाइकलको ठक्करबाट ३ जना घाइते भएका छन । घाइते हुनेमा पैदलयात्रीहरु तुलसीपुर १६ निवासी १४ वर्षीय सदन चौधरी, सोही ठाउँ निवासी १६ वर्षीय निराजन चौधरी र १८ वर्षीय विनिता गिरी रहेको इलाका प्रहरी कार्यालय तुलसीपुरले जानकारी दिएको छ ।
प्रहरीका अनुसार तुलसीपुर बजारबाट कपडादेबी तर्फ जादै गरेको रा १ प ३९७१ नम्बरको मोटरसाइकलले कपडादेबी नजिकै पैदलयात्रीहरुलाई ठक्कर दिदा दुर्घटना भएको हो । घाइतेहरुको राप्ती प्रादेशिक अस्पताल तुलसीपुरमा उपचार भइरहेको प्रहरीले जनाएको छ । मोटरसाइकल चालक तुलसीपुर १८ बालुवा निवासी ४५ वर्षीय कन्यालाल चौधरीले मादक पदार्थ सेवन गरेर मोटरसाइकल चलाएकाले दुर्घटना भएको प्रहरीले अनुमान गरेको छ । साथै उनलाई नियन्त्रणमा लिएर अनुसन्धान अगाडी बढाइएको प्रहरीको भनाई रहेको छ ।
प्रकाशित मिति : २०७९ फाल्गुन २५ गते बिहिवार
