सप्तरी, २४ फागुन । सप्तरीमा होली खेल्ने क्रममा दुई समूहबीच झडप भएको छ । सप्तरीको महादेवा गाउँपालिका–४ मनियार परसाही टोलमा हिजो मङ्गलवार २५ वर्षीय योगेन्द्र सरदारले आफ्नो सालीलाई रङ दलेपछि साली पक्षका युवाले सरदारलाई कुटपिट गरेको जिल्ला प्रहरी कार्यालय सप्तरीले जानकारी दिएको छ ।
झडपमा केही युवा घाइते भएको र कुटपिटमा संलग्न दुई जनालाई पक्राउ गरिएको सप्तरीका डीएसपी एवम् प्रवक्ता नरेशकुमार सिंहले बताउनुभएको छ । दुई समूहको झडपमा घाइते भएकाहरूको स्थानीय मेडिकल उपचार भइरहेको र फरार रहेका अन्य व्यक्तिहरूको खोजी भइरहेको प्रहरीले जनाएको छ ।
प्रकाशित मिति : २०७९ फाल्गुन २४ गते बुधवार
