देउखुरी, २४ बैशाख । ट्याक्टर र मोटरसाइकल ठाेक्किदा देउखुरीमा एक जनाको मृत्यु भएको छ । गढवा गाउँपालिका–७ बालापुरमा पश्चिम बाट पूर्व तर्फ आइरहेको रा १ त २४५० नम्बरको ट्याक्टर र पूर्वबाट पश्चिम तर्फ गैरहेको रा ५ प २०९८ नम्बरको मोटरसाइकल ठाेक्किदा गढवा–६ घोराहा निवासी ६० बर्षिय तिखाराम चौधरीको मृत्यु भएको इलाका प्रहरी कार्यालय गढवाले जनाएको छ ।
दुर्घटनामा परी मोटरसाइकल चालक गढवा–७ मानपुर निवासी ४८ बर्षिय चुडामणी पौडेल घाइते भएका छन । पौडेलको हातमा गम्भीर चोट लागेको छ ।
लमही अस्पतालमा प्राथमिक उपचार पछी थप उपचारको लागि घोराही लगिएको छ । ठक्कर दिने ट्याक्टर र चालक दुबै प्रहरी नियन्त्रणमा रहेको प्रहरीले जनाएको छ ।
प्रकाशित मिति : २०७८ बैशाख २४ गते शुक्रवार