पोखरा , २२ फाल्गुन/ मानव अधिकार तथा शान्ति समाजको वरिष्ठ उपसभापतिमा दाङका सुशील बस्नेत निर्विराेध निर्वाचित हुनु भएकाे छ । कास्कीको पोखरामा जारी रहेको राष्ट्रिय परिषद् बैठकबाट बस्नेत निर्विराेध निर्वाचित हुनु भएकाे हाे । २०५३ सालमा वरिष्ठ मानव अधिकारकर्मी कृष्ण पहाडीको नेतृत्वमा शान्ति समाज स्थापना भएको थियो ।
वरिष्ठ कन्द्रिय उपसभापति बस्नेत २ दशक देखि शान्ति निर्माण, लोकतन्त्र, अहिसा र मानव अधिकारको संरक्षण र प्रवर्द्धनमा सकृय हुनुहुन्छ । बस्नेत लामो समय देखि पत्रकारिता क्षेत्रमा पनि त्यतिकै सकृय हुनुहुन्छ । शान्ति समाज दाङको जिल्ला सदस्य , सह सचिव ,३ कार्यकाल सचिव , जिल्ला सभापति , केन्द्रीय सदस्य , केन्द्रिय सचिव , केन्द्रिय महासचिव हुदै वस्नेत वरिष्ठ उपसभापतिको जिम्मेवारीमा बस्नेत निर्विराेध निर्वाचित हुनसफल हुनुभएकाे हाे ।
निर्विराेध निर्वाचित पिछ प्रतिकृया दिदै बस्नेतले शान्ति संस्कृतिको विकास , मानव अधिकारको सुनिश्चितता, लोकतन्त्रको संरक्षण र सुशासन प्रबर्द्धनमा अझै सशक्त भएर अगाडि बढ्ने बताउनुभयाे ।