आकस्मिक बाहेकको अपरेशन नगर्न अस्पताललाई सरकारको निर्देशन

काठमाडौं । स्वास्थ्य तथा जनसंख्या मन्त्रालयले काठमाडौं उपत्यकाका अस्पतालहरुलाई आकस्मिक बाहेकका अपरेशन नगर्न निर्देशन दिएको छ ।

लक्षण सहितका कोरोना संक्रमितहरुको संख्या बढ्दै गएपछि मन्त्रालयले यो निर्णय गरेको हो । पछिल्लो समय कोरोना संक्रमणका जटिल बिरामीले पनि अस्पतालमा बेड नपाएको गुनासो बढेपछि सरकारले आकस्मिक बाहेकका अपरेशन नगर्न निर्देशन दिएको हो ।

अपरेशन कम गरेपछि बिरामीले केही हदसम्म आईसीयू र भेन्टिलेटर वेड पाउने सम्भावना हुने मन्त्रालयका प्रवक्ता डा. जागेश्वर गौतमले बताए ।

प्रकाशित मिति : २०७७ असोज २६ गते सोमवार
प्रतिक्रिया