दाङ, १६ असोज । प्रदेश ५ सरकारले प्रदेशको स्थायी राजधानी दाङको भालुवाङ लाई बनाउने निर्णय गरेको छ ।सत्तारुढ नेपाल कम्युनिस्ट पार्टी (नेकपा) को शीर्ष तहमा सहमति भएलगत्तै प्रदेश सरकारको मन्त्रिपरिषदले दाङको भालुवाङ बजारलाई केन्द्रमा राखेर राप्ती, गढवा र अर्घाखाँचीको शीतगंगा गाउँपालिकालाई जोडेर प्रदेश राजधानी बनाउने निर्णय गरेको हो ।
सोहि अनुसार प्रस्ताव दर्ता हुने एक मन्त्रीले जानकारी दिएका छन् । नेकपाका अध्यक्षद्वय केपी शर्मा ओली र पुष्पकमल दाहाल प्रचण्डबीच दाङमा स्थायी राजधानी राख्ने सहमति जुटेको हो ।
राजधानीबारे सहमति जुट्न नसक्दा प्रदेश ५ को नामाकरण र स्थायी राजधानी तोकिन सकेको थिएन । रुपन्देही, कपिलवस्तु वा दाङ कहाँ राजधानी राख्ने भन्नेमा प्रदेश ५ को प्रदेशसभामा मतभेद थियो ।
प्रकाशित मिति : २०७७ असोज १६ गते शुक्रवार
