काठमान्डौ । कोरोना भाइरसबाट संक्रमित नेपाली कांग्रेसका उपसभापतिको मृत्यु भएको छ । । मृत्यु हुनेमा नवलपरासी सुस्ता पश्चिम घर भएका नेपाली कांग्रेस नवलपरासीका जिल्ला उपसभापति ३८ वर्षीय सुवाशचन्द्र गिरी रहेको अस्पतालले जनाएको छ ।
ललितपुरको पाटन अस्पतालमा उपचाररत गिरीको आज बिहान उपचारका क्रममा मृत्यु भएको पाटन अस्पतालले जनाएको छ । प्रादेशिक अस्पताल भैरहवामा २८ साउनमा कोरोना पुष्टि भएपछि उनी पाटन अस्पतालमा उपचार गराइरहेका थिए ।
बुटवलस्थित युनिभर्सल मेडिकल कलेजमा पित्तथैलीको अपरेशन गराएका उनको अपरेशन लगत्तै कोरोनासँग मिल्दोजुल्दो लक्षण देखिएपछि परीक्षण गराउदा कोरोना पुष्टि भएको थियो ।
प्रकाशित मिति : २०७७ भाद्र २ गते मङ्गलवार